Манекенката Адријана Лима објавила две фотографии од книгата „Ејнџелс лимитед едишн“, која ќе се продава на уметничкиот саем во Бразил, а целиот приход од продажбата ќе биде пренасочен за организацијата Ealliance.org/amazonfund.
Поради пожарите што ги зафатија амазонските шуми, голем број ѕвезди собираат средства и организираат помош, меѓу нив и Леонардо Дикаприо, а сега и Адријана Лима.
Манекенката објавата ја проследила и со линкови на начини на кои светот може да помогне во санација на катастрофата, но ветува дека освен продажбата на книгата и сама ќе уплати пари „без оглед на продажбата, бидејќи причината е повеќе од сериозна“.
