Директорката на Туристичката заедница на Макарска, Хловерка Новак Срзиќ, јавно изрази негодување за сопственикот на еден ноќен клуб на Макарска, поради неговиот избор на музика.
Конкретно, се работи за поранешниот фудбалер на ФК Загреб, Горан Димиќ, кој е сопственик на еден од најпопуларните ноќни клубови на Макарска, каде минатата недела во живо настапи Јелена Карлеуша.
Новак Срзиќ има забелешка за изборот на музика општо во поголемиот дел од ноќните клубови, но се чини дека најмногу ѝ пречи музиката на Јелена Карлеуша.
Но, она што е факт е дека токму ѕвездите од нејзин калибар ги полнат овие клубови, носејќи профит не само за нив, туку и за целата Макарска ривиера.
Таа пак, е децидна дека од конкретниот клуб постојано се слуша лоша музика и тоа лошо влијае врз културниот имиџ на Макарска, каде секоја година има богата културна програма. За споредба зема друг клуб, кој е одлично звучно изолиран и воопшто не пречи.
Се чини дека со изборот на гости како Карлеуша, Аца Лукас, Миле Китиќ и слични, сопственикот на дискотеката се најде на црната листа кај туристите и жителите на јадранското крајбрежје.
