Музичарот Горан Бреговиќ се присети на една бизарна ситуација што ја доживеал со пејачот Џеј Рамадановски во кафеана, каде што во еден момент настанала вистинска драма.
„Џеј ми се јави и ми рече дека со екипата од Дорќол одат во една кафеана на забава и ме покани да им се придружам. Внатре атмосферата беше одлична, полна со професионални пејачи. Додека седевме и гледавме кон скалите, одеднаш влезе човек во купаќи, извади пиштол од гаќите и почна да пука – во звучниците, во клавијатурите. Сите веднаш се скрија под масите, само јас останав да седам“, раскажа Бреговиќ за „Мондо“.
Кога ситуацијата се смирила, гостите почнале да излегуваат од своите засолништа.
„Луѓето полека почнаа да се подигнуваат, а тогаш се појави еден човек со букет рози, ѝ го подаде на пејачката Мина, а друг веднаш ја запроси со прстен. Сè се претвори во неочекувана свадбена атмосфера, никој дури ни не повика полиција“, додаде Бреговиќ.
