Јога-инструкторката Лејла Рамковска, која на својот инстаграм-профил има повеќе од 29.000 следбеници, искрено проговори за својот најтежок период во животот и начинот на кој токму јогата ѝ помогнала повторно да се изгради – и физички, и духовно.
Во својата емотивна објава, Лејла напиша:
„Заборавив каква бев пред 12 години… слаба, нефлексибилна, со гастритис, дискус, спондилоза, калцификат на рамото, нарушен центарот за баланс и вертиго, само 49 килограми, со две мали деца, изгубивме сè што имавме, финансиски на дното, со брак кој се распаѓаше. Тогаш почувствував дека сум пред самиот крај на дното.
Токму тогаш се свртев кон себе. Се изолирав и започнав со јога. Полека, чекор по чекор, стекнав флексибилност, сила и нова стабилност. И животот почна повторно да се движи во нагорна линија, почнаа да наидуваат нови можности…
Благодарна сум на сите вас што ме поддржавте, преку социјалните мрежи, како поединци така и фирми, полните групи и како верни практиканти.
Последниве месеци направив пауза, неконзистентно вежбав… и повторно се вратија анксиозноста, утринските болки и вкочанетоста. Ова само ме потсети: јогата е мојот пат, мојата лекција и мојата сила. Каде јас, таму и мојот мат“
Многумина ѝ честитаа за упорноста и инспиративниот дух, со пораки дека нејзината приказна ги мотивирала и тие да започнат со јога.
