Пејачот Дарко Лазиќ сподели емотивна објава посветена на својот брат Драган, кој трагично го загуби животот во сообраќајна несреќа минатата недела.
На социјалните мрежи, Лазиќ објави видео од заеднички момент, на кое се гледа како двајцата поминуваат време заедно и се натпреваруваат во бокс. Браќата, како што е познато, биле многу блиски и често делеле заеднички интереси, како риболов, возење мотори и спорт.
„Никој никогаш нема да може да го замени твоето место. Со тебе секогаш имаше смеа, брате. Многу ми недостига секој овој момент и секоја твоја шега“, напиша Лазиќ во описот на објавата.
По трагедијата, пејачот е опкружен со семејството, кое му дава поддршка во еден од најтешките периоди во неговиот живот.
Во изјава за медиумите, Лазиќ не ја криеше болката по загубата.
„Ќе бидам краток, не знам што да кажам. Изгубив голем дел од себе. Сè ми падна многу тешко. Изгубив половина од себе, половина од својот живот, половина од срцето. Тоа е нешто што никому не би му го посакал“, изјави пејачот.
Смртта на неговиот брат остави длабока трага кај Лазиќ, кој преку објавите се обидува да ги зачува спомените на заедничките моменти.
