Пејџ Вулен можеби не е глобално познато име, но на социјалните мрежи е вистинска ѕвезда. Родена на 19 јануари 1992 година во Лос Анџелес, оваа американска инфлуенсерка и модел со години гради кариера на спојот меѓу провокативна содржина, онлајн активизам и медиумски настапи.
На Инстаграм, каде што ја следат повеќе од милион луѓе, Пејџ се прослави со проектот „Dudes in the DM“, серија објави во кои јавно ги објавува пораките од мажи кои ѝ пишуваат и покрај тоа што се во врска или брак.
Идејата, како што вели, била „да се искористи интернетот за добро“ и да им се помогне на жените да ги откријат неверните партнери. Овој потег предизвика бран поддршка, но и закани, што сепак не ја спречи да продолжи со објавите.
