Ѕвездата од „Терминатор“, Линда Хамилтон (62), признала дека е речиси 15 години во целибат и дека брачните понуди не ја интересираат.
После два разводи, таа ужива во самотничкиот живот, а би се омажила само ако ја запроси американскиот сликар Кехинд Вајл (42).
„Во целибат сум скоро 15 години. Престануваш да се грижиш затоа што едноставно, не е важно. Барем мене не ми е. Имам доволно романтично секојдневие“, изјавила таа.
Хамилтон била во врска со актерот Брус Абот, со кого има син, а со Џејмс Камерон имаат ќерка.
Таа се врати на работните обврски, а ќе ја гледаме во продолжението на „Терминатор“ како легендарната Сара Конор, улога по која сите ја паметиме. Филмот ќе се прикажува од ноември оваа година.
