Актерот Крис Мејсон кој го познаваме од серијата „Pretty Little Liars: The Perfectionists“ од оваа сезона ќе има своја улога во серијата „Riverdale“, пренесоа американските медиуми.
Тој ќе биде Чад Геко, маж на Вероника (Камила Мендес). Тој е контролфрик и многу љубоморен. Работи на Волстрит и стравува дека животот на Вероника во „Riverdale“, а особено пријателството со Арчи, ќе го загрози.
Со Чад за првпат ќе се запознаеме во 4-та епизода, која ќе се емитува на 10 февруари, а тоа е воедно и првата епизода во која времето ќе биде „неколку години подоцна“.
Да се потсетиме, снимањето и емитувањето на серијата „Riverdale“ привремено беше прекинато поради пандемијата на коронавирусот.
