Додека едниот дел од семејството Џогани постојано е во центарот на јавноста поради учествата во реалните шоуа и јавните испади, другиот дел некако остана во сенка.
Џоле Џогани, кој е брат на Гаги и чичко на Луна, најпрво на својата ќерка од првиот брак ѝ подарил песна со наслов „Булевари“, но потоа решил дека таа песна ќе ѝ ја даде на неговата втора сопруга, Весна.
Ова не ѝ се допаднало на младата Маринела Џогани, која во 2013 се појави во Икс-фактор, каде жирито ја оцени како врвна пејачка и ѝ предвиде светска слава. Наводно, ова било причината зошто Маринела и нејзината мајка Слаѓана Делибашиќ се отселиле од куќата во која живееле, а е во сопственост на Џоле.
Маринела ја добила песната од татко ѝ, ја отпеала во студио, многу ѝ се допаднала, но потоа тој ѝ рекол дека не е во нејзин стил и дека повеќе одговара за бендот Џогани. Тоа ја повредило младата Маринела.
За нејзе се вели дека е подеднакво талентирана како и нејзината мајка, а ѝ предвидуваат дека со вистинската песна, ќе биде далеку поуспешна од својата прва братучетка Луна.
