Познатата готвачка на славните Ен Барел, препознатлива по својата енергична личност и карактеристичната кратка руса коса, почина на 55-годишна возраст.
Телевизиската личност беше пронајдена во несвест околу 7:50 часот наутро во нејзиниот дом во Бруклин, Њујорк, во вторник наутро, рекол портпарол на полициската управа на Њујорк за „Пејџ сикс“.
Причината за смртта е сè уште непозната, а истрагата е во тек.
Ѕвездата на „Фуд нетворк“ (Food Network) починала на 17 јуни во својот дом во Бруклин, потврди нејзиното семејство во соопштение.
„Ен беше грижлива сопруга, сестра, ќерка, маќеа и пријателка – нејзината насмевка ја осветлуваше секоја просторија во која влегуваше. Светлината на Ен зрачеше далеку надвор од границите на луѓето што ги познаваше, допирајќи милиони низ целиот свет. Иако таа повеќе не е со нас, нејзината топлина, дух и неисцрпна љубов ќе останат вечни“, споделило нејзиното семејство за „Е! Њуз“.
View this post on Instagram
Нејзиното последно телевизиско појавување беше во епизодата од „Куќата на ножевите“ на „Фуд нетворк“, која премиерно се емитуваше во март 2025 година.
Барел беше широко призната како водителка на популарните емисии на „Фуд нетворк“, вклучувајќи ги „Најлошите готвачи во Америка“ и „Тајните на готвачот во ресторан“. Нејзиното наследство во светот на кулинарската телевизија се протега речиси две децении, почнувајќи од 2005 година, кога за првпат се појави како помошна готвачка на Марк Ладнер во „Железен готвач Америка“.
Покрај телевизиската кариера, Барел имала класична кулинарска обука на Кулинарскиот институт на Америка, а се усовршувала и во Италија, на Италијанскиот кулинарен институт за странци. Подоцна работела како помошна готвачка во познатиот ресторан „Фелидија“ на Менхетен, а потоа и како главна готвачка во ресторанот „Савој“ во СоХо. Нејзиниот талент и харизма ѝ донесоа номинација за наградата Еми и две книги за готвење кои станаа бестселери.
View this post on Instagram
