Кич, раскош и геополитика. На изборот за песна на Евровизија, кој се враќа на малите екрани следната недела, Украина е фаворит за победа, додека на Русија и е забрането да се натпреварува.
Песната „Стефанија“ на украинската фолк-рап група Калуш Оркестар е најголемиот фаворит за победа на натпреварот кој годинава се одржува од 10 до 14 мај во италијанскиот град Торино.
View this post on Instagram
Организаторите и забранија на Русија да се натпреварува ден по почетокот на инвазијата на Украина кон крајот на февруари, пишува Хина, пренесува Н1.
Поради стиховите како „Секогаш ќе го најдам патот до дома, дури и ако сите патишта се уништени“, обложувалниците очекуваат дека Украина ќе има огромна јавна поддршка.
Водечките обложувалници на прво место на фан страницата на Евровизија го ставија оркестарот Калуга, додека на второ место ги ставија домаќините – Италијанците.
Махмуд и Бланко сакаат да го повторат минатогодишниот успех на Италија со песната „Бривиди“, кога победи Манескин со песната „Zitti e Buoni“.
View this post on Instagram
Но, со Евровизија, која привлече повеќе од 180 милиони гледачи низ Европа минатата година со мешавина на поп, екстравагантна облека и меѓународни односи, сè е можно.
