Пејачот Урош Живковиќ денес организираше свадбена веселба на која присуствуваат околу 500 гости – дел од естрадата, дел негови долгогодишни пријатели.
Покрај црковната венчавка, Урош и неговата сопруга Јована ја искористија приликата и да го крстат синот Лазар, кој неодоливо потсетува на својот татко.
Свеченоста се одржа во белградски ресторан, а меѓу првите кои пристигнаа беа Радиша Трајковиќ Ѓани и неговата сопруга Слаѓана. Вниманието на сите го привлече моментот кога Ѓани покажа колку е галантен – и тоа токму при традиционалното китење на сватовите.
„Ѓани е секогаш погалантен од мене, тој ќе ви плати“, им рече Слаѓа на девојките кои држеа корпи со панделки и украси.
Пејачот без двоумење извади плик, од кој извади банкнота од 5.000 динари, што ги изненади присутните – бидејќи за ваква прилика обично се дава многу помал износ.
