Пејачот Милан Станковиќ веќе некое време престојува на српскиот православен манастир Хиландар на Света Гора во Грција.
Поранешниот ексклузивец на продукцијата „Гранд“ неодамна колабираше и заврши во манастирската болница, а сега повторно се огласи и покажа како го поминува времето по закрепнувањето.
Како што може да се забележи од неговата последна сторија на Инстаграм, пејачот се опоравил и сега продолжува да ужива во убавината на манастирот и околината.
Имено, Станковиќ ја покажа прекрасната природа, далеку од градската гужва – нешто што го претпочита во последно време.
Инаку, пејачот на различни начини му помага на манастирот Хиландар, каде што престојуваше минатата година во текот на велигденските празници.
Како што тогаш објави српски „Курир“, Станковиќ на тоа свето место прави мелем за карцином, што го потврдил и теологот Милош Стојковиќ.
„Точно е дека Милан му помага на манастирот Хиландар. Тој доаѓа во манастирот и сам се пријавува да помогне нешто во манастирот поврзано со секојдневните работи во рамките на монашката заедница на Хиландар. Се сеќавам дека неодамна монасите како благослов му дадоа задача да помогне во подготвувањето на мелем против карцином кој се прави и може да се набави на Света Гора“, рекол Стојковиќ.
Инаку, пејачот, кој се повлече од јавноста, во текот на илегалата даде само едно интервју кога зборуваше за религијата.
„Крстен сум уште како бебе за да преживеам, а во мојот краток живот преживеав многу. Сите имаме стремежи, желби, планови, успеси, идеи. Господ ми даде големи дарови, а со тоа доаѓа и голем крст… А сè на крајот завршува со Господ, бидејќи преку него сè и настанало“, изјавил, меѓу другото, Милан.
