Пејачката Тамара Тодевска и манекенката Катарина Ивановска го искористија викендот за да поминат квалитетно време со нивните деца и со новиот партнер на Тодевска, архитектот Лука Радовиќ.
Долгогодишните пријателки уживаа во убавината на кањонот Матка – една од најголемите туристички атракции во околината на Скопје.
Како што може да се забележи на прекрасните фотографии кои ги сподели нашата музичка ѕвезда, тие поминале квалитетно време заедно – се возеле со бротче по кањонот и ја искористиле можноста да ја посетат пештерата Врело.
Да потсетиме, Тамара Тодевска и кошаркарот Александар Димитровски – Мачка стапија во брак во 2015 година, а минатата година ја објавија веста дека се разделуваат. Тие имаат две деца – седумгодишната Хана и петгодишниот Дарен. Сега е во врска со архитектот Лука Радовиќ.
Катарина Ивановска е мајка на петгодишниот син Вања и тригодишната ќерка Кира, кои ги доби со поранешниот партнер Слободан.
