Кристијано Роналдо и Георгина Родригез споделија фотографии на своите инстаграм – профили по повод Денот на вљубените. Дека се позаљубени од кога било, фудбалерот Кристијано Роналдо и неговата Георгина Родригез го докажаа тоа со последните објави по повод Св.Валентин.
„Среќен Ден на вљубените, љубов моја“, напиша Роналдо покрај фотографијата на која се бакнува со избраничката на своето срце и за само неколку часа собра над седум милиони лајкови.
„Никогаш да не ни недостига љубов за да се чувствуваме живи. Безусловна љубов“, напиша Георгина на својот инстаграм – профил соподелувајќи неколку фотографии на кои позира со Кристијано, но и со целото семејство.
Фановите веднаш забележале дека по повод Денот на вљубените таа добила огромен аранжман со црвени рози со кој ретко кој може да се пофали.
View this post on Instagram
Роналдо и Георгина објавија дека очекуваат близнаци на крајот на октомври минатата година, а фотографијата со која ја потврдија бременоста на Инстаграм сега има над 30 милиони лајкови. Во 2017 година парот ја доби ќерката Алана Мартина, која е првото биолошко дете на фудбалерот, додека другите три деца му се родени од сурогат мајки.
View this post on Instagram
Георгина и Роналдо се запознале во 2016 година на приватна забава. Таа тогаш работела во продавница на Гучи во Мадрид, а била отпуштена откако беше снимена со фудбалерот на состанок во Дизниленд – Париз, бидејќи на нејзините шефови не им се допаѓало медиумското внимание. кое таа го привлекува со познатиот фудбалер. Очигледно и направиле услуга со тој отказ!
