Актерката која годинава е „Shooting star“ – ѕвезда во подем прогласена за време на Берлиналето е една од деветте жени кои ја обележаа 2021 во македонската филмска индустрија – Сара Климоска, стои на официјалниот инстаграм – профил на Филмската академија.
Климоска пред помалку од половина година ја доби наградата за улогата во дебитанскиот филм на Игор Алексов „Лена и Владимир“ според сценарио на Александар Русјаков.
View this post on Instagram
Церемонијата за доделувањето на наградите за најдобрите европски актери во подем се одржа на „Berlinale Musem Island“ во рамките на Берлинскиот филмски фестивал „Berlinale“.
Нашата актерка беше номинирана од страна на Агенцијата за филм на РСМ, која е долгогоден член на „European Film Promotion“.
View this post on Instagram
Досега оваа награда ја добиле само три македонски актери и тоа Лабина Митевска во 1998 година, Наташа Петровиќ во 2011 година и Благој Веселинов во 2019 година.
View this post on Instagram
– Наградата „Ѕвезда во подем“ што ја добив на Берлинале ми отвори доста врати и сè уште ми отвора, но за да влезам во една од нив навистина е многу потешко надвор, отколку тука на овие простори, бидејќи конкуренцијата е многу поголема и јазикот е бариера. Но, се надевам дека убави работи ќе се случуваат, изјавила актерката за @umno.mk.
View this post on Instagram
Сара е дел од филмовите кои допрва треба да ги видиме во кино салите – „Лена и Владимир“, „Преескпонирано“, „Нема да бидеш сама“, „Кајмак“, а веќе ја видовме со носечка женска улога во „Врба“
