Популарниот актер со сопругата Блејк Лајвли има три прекрасни ќерки, Џејмс, Инес и Бети, и иако никогаш не се надевал дека ќе биде опкружен само со женски деца, денес тврди дека е пресреќен и тоа не би го менувал за ништо на светот.
– Сакам да бидам татко на моите девојчиња. Имам три ќерки, а всушност никогаш во милион години не би рекол дека тоа ме чека. Доаѓам од семејство каде сите деца беа машки. Имам тројца постари браќа. Засега за мене да бидам татко на девојчиња е прекрасно искуство и едноставно уживам во тоа – вели Рејнолдс.
Холивудскиот заводник, кој е во брак со една од најзгодните актерки, Блејк Лајвли, открива која е тајната на складниот семеен живот што го води. Покрај тоа се обиде да објасни што значи да се биде добар татко.Прочитајте и… Дневен хороскоп за петок, 20 ноември 2020: Биковите ги очекуваат добри пари, стрелците пред пресврт
– Најважно е да се биде присутен. Се обидувам ништо да не пропуштам. Со Блејк никогаш не сме разделени кога одиме да снимаме филмови, секогаш заедно патуваме на секоја локација каде што се одвива снимањето. Мислам дека тоа е клучен момент. Заедно сме колку што можеме, си помагаме еден на друг и едноставно уживаме. Многу сум тажен кога сум разделен од моите девојки – изјави 44-годишникот.
Со убавата Блејк, Рејнолдс е во брак од 2012 година и заедно ги имаат петгодишната Џејмс, четиригодишната Инес и едногодишната Бети.
Ѕвездата на филмот „Дедпул“ потоа откри дека не му пречи да прави женски работи и да си игра со женските играчки на неговите девојчиња.
Преземено од Слободен Печат.
