Инфлуенсерката и сопственичка на модното студио „Митров“, Љупка Митрова, ова лето живее навистина динамично и исполнето.
По свадбата и модната ревија во Струмица, како и низа патувања на кои беше само со својот сопруг Георги, таа сега ужива на семејно патување во Венеција заедно со него и двете ќерки од првиот брак, Сандра и Елена.
Ќерките на Љупка веќе се пораснати и, како што може да се забележи од фотографиите, нивниот стил е мошне сличен на оној на мајка им. Така, додека Љупка прошетала во црн фустан со бели точки, постарата Сандра носела идентичен модел, само во бела варијанта со црни точки. Помалата Елена, пак, се појавила во шармантен фустан со лимони и цветчиња, а мајка ѝ ја усогласила комбинацијата со чанта и шешир со дезен на цреши.
Семејството ги користи деновите во градот на каналите за прошетки, дегустација на италијанска храна и романтични моменти. На дел од фотографиите, Љупка и Георги не кријат дека уживаат во љубовта и нежностите еден кон друг, додека ќерките им прават друштво во автентичната атмосфера на Венеција.
На својот Инстаграм профил, Љупка сподели фотографии и видеа од патувањето, придружени со кратка, но емотивна порака: „Се вљубив во Венеција“.
View this post on Instagram
