Познатите браќа Гаги и Ѓоле Ѓогани, кои во минатото поради сложените семејни односи не беа во најдобри односи, одамна ги надминаа несогласувањата и денес уживаат во секој заеднички момент.
Тие заедничкиот одмор во Црна Гора го искористија за опуштање на плажа, а нивните фотографии и снимки брзо привлечеа големо внимание кај јавноста и следбениците на социјалните мрежи.
Многумина останаа изненадени од нивниот изглед, коментирајќи дека браќата, иако се во шестата и седмата деценија од животот, изгледаат одлично и се во одлична физичка форма. Сепак, дел од фановите мала предност му дадоа на Ѓоле.
Гаги има 54 години, додека Ѓоле 66, но по изглед и кондиција можат да им парираат и на многумина кои се неколку децении помлади од нив.
Познатиот танчар и пејач Ѓоле Ѓогани неодамна го прослави својот 66. роденден, а неговиот изглед продолжува да биде тема на коментари меѓу обожавателите. Многумина на социјалните мрежи пишуваат дека „годините не му можат ништо“.
Додека опуштено седел во хотелското лоби и ја слушал музиката, Ѓоле не очекувал какво изненадување му подготвила сопругата Весна.
Во еден момент таа му пришла со широка насмевка и шише шампањ во рацете. Не обрнувајќи внимание на погледите од присутните, го прегрнала, го бакнала и му ја испеала добро познатата роденденска песна.
