Традиционалното китење на кралската палата е во тек…
Оваа традиција потекнува од 18-от век и ја вовела тогашната кралица Шарлот. Најпрвин не се користела елка, туку украсени гранки кои се поставувале во и околу палатата. Првата популаризација на богатото китење и божиќната еуфорија станала дел од традицијата за време на владеењето на кралицата Викторија и принцот Алберт.
Кралицата Елизабета Втора и нејзиниот сопруг принцот Филип, одлучија оваа година празниците да ги поминат во Винзор замокот. Иако оваа година се разликува речиси по се, тие сакаа празничното расположение и во овој замок да го дополнат со божиќните декорации.
Помошниот тим во Виндзор замокот работеше деноноќно со цел да постигне да ги заврши декорациите и да ја отвори вратата за фотографирање.
Елката од седум метри го краси ходникот Св. Џорџ, најголемата просторија во замокот.
Елката, која до неодамна го красеше паркот во Виндзор замокот, е украсена со дури 3000 сијалички и декорирана е во класичниот Божиќен стил – со црвени детали.
Елката е накитена, но декорирањето продолжува до најситните детали, па така овие денови, очекуваме нови фотографии со целосната слика од изгледот на замокот Виндзор.
