Нашата позната пејачка Антониа Гиговска постојано е во чекор со светските трендови. За нејзиниот изглед „од глава до пети“ се грижи професионален тим на стилисти од нашата земја како и од надвор од границите. Гиговска од самиот почеток работи со врвни професионалци, не само околу создавањето на музика туку и околу нејзиниот комплетен изглед како млада музичка ѕвезда која допрва ја очекува блескава кариера.
Своите почетоци, младата Антониа ги врзува со шоуто „Пинкови ѕвездички“ кога буквално ги освои срцата на целиот Балкан. Денес, е една од најеминентните артисти смело вивнувајќи се кон секој врв што ќе го замисли.
View this post on Instagram
Секогаш совршено стилизирана, младата пејачка е инспирација за своите бројни фанови. На социјалната мрежа „Инстаграм“ активно ја следат скоро 100.000 следбеници, од нашата земја како и голем дел од балканските земји, особено соседна Србија.
По секоја објавена фотографија на Антониа следи лавина од комплименти и поддршка за младата пејачка, но има и исклучоци.
View this post on Instagram
На една од последните фотографии на Гиговска осамна еден коментар кој го привлече нашето внимание.
– Девојче, имаш прекрасен глас, ама славата мава во глава… Дај малку сврти се, види до кај си, што си, спушти се на земја… Не летај толку… Не е мое да зборам, ама тоа ти го рече и маестро Игор Џамбазов на почетокот…. Поздрав и секое добро, да се врати старата Антонија.. Скромноста те личи, е коментарот на една корисничка на социјалната мрежа „Инстаграм“ и следбеничка на пејачката, чиј профил е затворен, но во описот стои дека е „среќна мајка на девојче“.
View this post on Instagram
Пејачката не остана имуна на овој коментар и заклучок основан само на неколку фотографии и возврати на коментарот
– Сметам дека скромноста нема никаква поврзаност со облеката која ние артистите ја носиме. Сцената бара и дозволува различни стилови на облека, затоа постои тим со кој што ние артистите работиме и тие најдобро си ја знаат работата. Облеката не треба да биде огледало на нашата душа и какви луѓе сме. Јас сум истата Антониа од „Пинкови ѕвездички“ само 7 години постара. Посакувам да се видиме, и да ме запознаете, да видите каква сум навистина, не дозволувајте Инстаграм да ви даде лоша слика за тоа какви сме ние навистина како луѓе. Секое добро, стои во одговорот, коментарот на Гиговска
View this post on Instagram
Неодамна Гиговска го промовираше најновото музичко остварување со наслов „Магнет“. Повеќе од еден месец по објавата на песната и спотот, пофалбите и реакции од публиката не стивнуваат. Несомнено е дека Антониа има уште еден голем хит во своето „си-ви“, а вчера младата пејачка официјално го најави нејзиниот прв студиски албум „2001“ со објава на својот инстаграм-профил.
View this post on Instagram
– Прв албум и песните со кои што пораснав.. како личност и артист. Некои од нив ми будат убави спомени, некои од нив солзи,некои од нив насмевки. Секоја со својата приказна. Мои се, ги сакам сите. Со албумот уште нешто кое што едвај чекам да го видите, стои во објавата на пејачката.
Со нетрпение го очекуваме првенчето на Антониа.
