– Како што кажавме и најавивме, за време на овој викенд под влијание на стабилна и сува воздушна маса, времето ќе биде стабилно, суво и сончево со максимални температури кој ќе се искачуваат во интервалот од 15 до 20 степени, додека наутро температурите понекаде ќе се спуштаат до околу -4 степени, со што локално и понатаму ќе има појава на мраз, вели нашиот метео прогнозер Славчо Попоски.
Во Скопскиот регион за време на викендот времето ќе биде стабилно, суво и сончево со максимални температури кој ќе се искачуваат во интервалот помеѓу 16 и 17 степени, додека наутро истите ќе се спуштаат во интервалот помеѓу 1 и 2 степени.
Според Попоски, промена на времето, проследена со зголемување на облачноста, врнежи од дожд и умерен до засилен ветер од југоисточен правец ќе имаме во почетокот на следната недела, односно во вторник. Сепак, детална анализа околу оваа промена ќе имаме за време на викендот.
