Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
(РЕЦЕПТ) ГОТВИМЕ СО ТЕА: Американската класика Mac&Cheese – кремасти потпечени макарони
Теа денес ни подготви сочни пилешки увијачи. „Ќе се изненадите колку се сочни и вкусни одвнатре, а поради сланината крцкави однадвор“, вели оваа врвна готвачка.
(РЕЦЕПТ) ГОТВИМЕ СО ТЕА: Посни сникерс коцки – брзо се прават, уште побрзо се јадат!
Потребни состојки:
- 1кг надкопан без коска и кожа
- 10 парчиња кашкавал
- 20 парчиња тенко сечена сланина
- 1 лажица сенф
- сол, бибер
- мешан сув зачин
- 1 лажица мед
View this post on Instagram
Начин на подготовка:
Пилешките надкопани исчукајте ги, посолете ги и намачкајте ги со сенф од двете страни. Во средината на секој надкопан ставете парче кашкавал и замотајте ги како ролатчиња. Одозгора завиткајте ги со сланина и секој од увијачите посебно завиткајте ги со фолија. Наредете ги во тавче за печење и ставете ги да се печат во загреана рерна на 250 степени 30 минути. Потоа извадете ги од фолија, премачкајте ги со мед и вратете ги уште 10 минути во рерна за да се карамелизираат.
На здравје и уживајте!.
