Кралицата на поп музиката Мадона на својот Инстаграм профил објави видео во кое ги повикува Меган и Хари да се преселат во нејзиниот стан во Њујорк, бидејќи, како што кажа, во Канада е досадно.
Имено, Меган и Хари купија вила во западниот дел на Ванкувер и за неа искешираа 27,5 милиони долари, но поп дивата смета дека во Њујорк би им било подобро.
– Еј, не бегајте во Канада. Таму е досадно! Ќе ве пуштам да живеете во мојот стан во Њујорк, во Централ Парк Вест. Има најдобар поглед на Менхетен и неверојатен балкон, тоа ќе пресуди. Погледот е сигурно многу подобар од оној од Бекингемската палата, нема еден куп мажи со волнени капи – изјави пејачката алудирајќи на кралската стража.
Да се потсетиме, вилата која поранешниот кралски пар неодамна ја купи има четири ката, шест спални соби и пет бањи. Се простира на дури 640 квадрати и во моментот е една од главните теми во светот.
