Четири дена пред да започне да работи на неговиот нов филм, актерот Џорџ Клуни бил итно пренесен во болница со тешки болки во стомакот. На Клуни му бил дијагностициран панкреатит, што може да биде опасен по живот, па затоа морал да остане неколку денови во болница.
59-годишниот добитник на Оскар, изгубил над 10 килограми за улогата на преживеан астронаут од глобална катастрофа во филмот „The Midnight Sky“ и верува дека неговата исхрана ја предизвикала болеста.
„Мислам дека се обидував да слабеам брзо и веројатно не се грижев добро за себе“, рече Клуни.
Тој требало да лета на Арктикот за потребите на филмот, а покрај глумата тој е и во улога на режисер. Во филмот покрај него играат и британските актери Фелисити Џоунс и Дејвид Ојелово.
Иако итно бил пренесен во болница четири дена пред да започне снимањето на дистопискиот филм, сепак актерот по неколку дена бил подобро.
Слабеењето не било единствената физичка промена што актерот требало да ја претрпе за улогата.
„Морав да пораснам голема грда брада а мојот син го обожаваше тоа, бидејќи можеше да скрие работи во неа за кои и не бев свесен се додека не почнав да работам и одеднаш ќе најдев заглавено лижавче во мојата брада“, откри Џорџ.
„Но, мојата сопруга и ќерка ми беа навистина среќни кога заврши тој процес, бидејќи беше многу тешко да се најде лицето под целиот тој неред“, вели Клуни.
Џорџ е во брак со сопругата Амал од 2014 година, тие имаат близнаците Ела и Александар кои имаат три години.
Преземено од Слободен Печат.
