Доколку се случи да се да го сретнете Џон Траволта, може да посаката да се сликате со него, а тој потоа да ви „извади“ сметка. Славниот актер чие богатство е проценето на 170 милиони долари, за време на својата долга кариера сними огромен број на успешни и одлично платени филмови, а тој и понатака вредно работи и одлично заработува. Сепак, тоа не го спречува да ги наплатува фотографиите со своите фанови!
Траволта во Австралија присуствувал на конвенцијата Supanova, наменета за фановите на научната фантастика, а медиумите јавуваат дека за фотографирање со него и негов автограм, потребно е да одвоите 500 долари, а само „селфи“ чини 250 долари.
И покрај тоа што ова не е ниска цена, голем број обожаватели на познатиот актер стоеле во ред за да го овековечат моментот кога стоеле покрај него. Секако, на друштвените мрежи, особено на Твитер, се нижат негативни коментари во врска со „деловниот потег“ на Траволта.
