Популарната убавица не е родена во богато семејство, а немаштијата ја направила посилна и никогаш не се откажувала од своите идеи и планови.
Преубавата Џенифер Лопез денес има милиони, Оскари и слава за која некогаш сонувала.
Родена е во 1969 година во Бронкс, предградие на Њујорк, нејзините родители се Порториканци, а својата приврзаност кон мајка си секогаш јавно ја нагласувала.
Детството го поминала во мал стан и во не баш завидна финансиска ситуација.
Кога завршила средно училиште се нашла на голема раскрсница и пред голема одлука. Нејзината мајка сакала да се запише на колеџ, додека Џенифер имала сосема друг план.
„Не сакав понатаму да продолжам со школувањето, сакав да танцувам и тоа е сè“.
Кога на родителите им соопштила дека сака да стане актерка и танчерка, од нив не добила поддршка каква што очекувала.
Во тие моменти со мајка ѝ не била во најдобри односи, но денес вели дека ѝ е многу благодарна за сè.
„Мислев дека ќе покаже сочувство. Наместо тоа, ми рече „Немој никогаш веќе да ми се јавуваш кога плачеш. Сакаше да бидеш во оваа работа, тогаш подобро е да станеш посилна. И станав посилна.“, се присетува пејачката.
„Се случи да ме чини одлуката да го одберам својот сон. Едно време живеев речиси како бездомник. Спиев на троседот во студиото за танц, но трудот вредеше“.
Кога наполнила 21 година се преселила во Лос Анџелес за да си ги исполни соништата. Живеела со неколку цимери во еден стан, не баш во добри услови, но вели дека за тој период ја врзуваат најубавите спомени.
„Се сеќавам дека имав толку пари колку да си купам само парче пица на ден“.
Поминале неколку години додека не ја добила првата поголема работа, а по неа, улогите се нижеле и Џенифер успеа да си го исполни својот најголем сон.
