Џаред Лето е во Хрватска, на островот Обоњан, во близина на Шибеник и со бендот „30 Seconds To Mars“ ќе настапи на ол-инклузив фестивалот „Mars Island“.
Веднаш штом пристигна, Лето се пофали на Инстаграм.
„Тука е преубаво. Уживам и се запознавам со островот. Едвај чекам да се дружиме, а сега морам да се одморам“, им порача тој на своите следбеници преку инста-стори.
Тој во Хрватска ќе биде седум дена, а неговиот бенд е организатор на овој фестивал. Билетите за влез чинат помеѓу 995 и 6.499 долари. Најскапите вклучуваат сместување, оброци, дружење со бендот, заедничко користење на велнес-центарот, додека пак со најевтините, фановите ќе добијат камп-плац, шатор и пристап до заеднички тоалет.
Во цената на скапите билети се пресметани и услугите на батлерите, неограничен пристап до штекери за струја, дружење и фотографирање со Лето по концертот.
Фестивалот ќе трае до 12 август.
