Сопругата на пејачот Марко Булат, Марија Булат, наводно била задржана во полиција по инцидент што се случил рано утринава во нивниот стан во Нов Белград, пренесуваат српските медиуми.
Според неофицијални информации, таа околу 6 часот наутро се вратила дома во алкохолизирана состојба, по што почнала да вика и да прави врева во станот.
Како што се наведува, токму нејзиниот сопруг ја повикал полицијата, која веднаш реагирала и пристигнала на местото. По интервенцијата, на Марија ѝ бил направен алкотест, по што била однесена во полициска станица, каде што била задржана до пладне.
Според истите извори, во овој случај не било пријавено физичко насилство.
Ова се случува само неколку дена по претходниот инцидент во семејниот дом, кога Марија го пријави сопругот за наводно насилство, но подоцна ја повлече пријавата.
Таа тогаш изјави дека најважно ѝ е децата да бидат безбедни, додавајќи дека ќе направи сè за да ги заштити.
„Извинете што излегов пред вас во ваква состојба, но разберете ја ситуацијата. Тука ми е синот, веќе не гледам излез од ова, морам да бидам добро поради децата. Сега ќе одам да се помолам на Бога, направив што беше до мене. Разочарана сум од сè. Него сега ќе го пуштат, ќе дојде тука. Што да правам? Ќе ги земам децата и ќе излезам надвор кога Марко ќе дојде. Само сакам децата да бидат добро, а за мене – како што ќе даде Бог… Сега сигурно го засрамив Марко со мојот изглед“, изјави Марија тогаш.
