Поп пејачката Антониа Гиговска и фолк дивата Благица Павловска ја претставија новата верзија на безвременскиот хит „Чукај, чукај“, кој првпат беше објавен во 1998 година, давајќи му современ звук и нова емоција.
Освежената преработка денеска ја доби и својата визуелна приказна, со премиера на видеоспотот на Јутјуб. Во песната се појавува и сопругот на Гиговска, Роберт Спасенцовски – Џокер, кој внесува дополнителна динамика со својот дел.
Зад музиката стојат Дарко Димитров и Медо Чун, додека аранжманот го потпишуваат Димитров и Дамир Имери. Продукцијата е на Димитров, а текстот е заедничко дело на Димитров, Спасенцовски и Павловска. Придружните вокали ги изведува Гиговска.
Видеоспотот е реализиран од „Лимитед Рулс“, со Кристијан Теодоров како директор на фотографија, во соработка со професионална екипа што стои зад визуелниот концепт. За стајлингот се погрижи Викторија Бурсак, со креации од Дејан Сидор, додека за изгледот беа задолжени Даниел Николовски и „Ла хер студио“.
