Пејачката Јелена Карлеуша повторно го привлече вниманието на јавноста, откако нејзина изјава поттикна бројни шпекулации на социјалните мрежи.
Гостувајќи во емисија, таа зборуваше за значењето на името „Џан“, посочувајќи дека на турски значи „дијамант“, а не „душа“, како што често се мисли.
„Сосема случајно познавам еден Турчин кој се вика Џан. Го прашав што значи неговото име и ми рече дека значи дијамант“, изјави Карлеуша.
Токму оваа изјава беше доволна за фановите да започнат со нагаѓања – дали станува збор за познатиот турски актер Џан Јаман.
Иако претходно се ширеа гласини дека турскиот бизнисмен Садетин Саран, поранешен партнер на Емина Јаховиќ, покажува интерес за Карлеуша, вниманието сега е насочено кон друга личност.
Карлеуша неодамна престојувала во Турција, каде што ужива голема популарност, а таму и понатаму ја препознаваат по врската со нејзиниот поранешен сопруг Душко Тошиќ, кој своевремено настапуваше за „Бешикташ“.
Дополнително, таа во интервју за турски медиуми го пофали изгледот на Саран, велејќи дека „воопшто не е лош“, што уште повеќе ги разгоре шпекулациите.
