Кралицата на поп музиката води со девет номинации за овогодишните Греми награди, вклучувајќи ја и онаа за песна на годината.
Британската пејачка Дуа Липа, Американската Тејлор Свифт и раперот Роди Рич имаат по шест номинации.
Со 39 години Бијонсе има веќе освоено 24 Греми награди.
Добитните ќе бидат прогласени на 31 јануари 2021 година.
Свифт и Дуа Липа ќе се натпреваруваат за најважната награда – албум на годината, заедно со Пост Мелоун, Колдплеј, Хаим, Џејкоб Кулиер, Блек Пума и Џене Аико.
Бијонсе своите номинации ги заработи најмногу благодарение на песната „Black Parade“ која ја слави афроамериканската култура и активизмот, која беше објавена за време на летните протести против расизмот и полициската бруталност кон Афроамериканците во САД.
„Black Parade“ ќе се натпреварува и за песна и видео на годината, заедно со „Don’t Start Now“ на Дуа Липа.
Албумот на Тејлор Свифт од карантинот „Folklore“ е номиниран за албум на годината, а „Cardigan“ за песна на годината.
Категоријата најдобар нов уметник ги вклучува номинациите кои ги добија раперката Меган Ди Сталион и Доџа Кат, како и Фиби Бриџерс.
Бијонсе води со девет номинации на Греми наградите
