Српската водителка Сања Кужет (41) се породи на 3 јули и го роди своето трето дете, синот Вук.
Водителката на „Ѕвездите на Гранд“ не крие колку ужива во мајчинството, а преку својот инстаграм-профил сподели моменти со наследникот.
„Потесното семејство. Останатиот дел е на работни задачи“, напиша водителката во описот на фотографијата на која седи на клупа во син фустан додека Вук е до неа во количка за бебиња.
View this post on Instagram
Да потсетиме, водителката не го експонира во медиумите својот партнер Немања Живојиновиќ, инаку директор за маркетинг во еден салон за автомобили, а на прашањето дали го крие од јавноста и зошто не се појавил минатата година во финалето на „Ѕвездите на Гранд“, Сања одговорила:
– Па не, ние долго време сме заедно. Нормално се движиме и излегуваме, тука нема причина никој да крие некого. Само едноставно не мислам дека нему му е местото во финалето. Тоа е моето работно место и тој навистина никогаш не доаѓал на мојата работа. Тоа дури и не е дел од неговата професија, но кога ќе нè видат заедно на некои настани, тука нема никаков проблем и да нè фотографираат – рекла Сања.
