Пејачот Ален Исламовиќ откри досега непознат детал од младоста – тој бил воен полицаец.
„Белград ми донесе многу убави работи. Бев воен полицаец во Скадарлија, во 1978 година, па по наредба на команда морав да дојдам овде и да проверам војниците да не се плеткаат со цивили. Како воен полицаец апсев војници кои правеа хаос низ Белград“, се присети тој.
View this post on Instagram
Пејачот додаде дека Белград многу добро го запознал преку воениот рок.
„Ги знам улиците, па дури бев и обезбедување на големиот концерт на ‘Бијело дугме’ кога свиреа на стадионот на Партизан. Немаше кој не беше таму, ги чував Горан Бреговиќ, Жељко Бебек, ‘Прљаво казалиште’, групата ‘Време’“, сподели Исламовиќ.
View this post on Instagram
Тогаш тој не можел ни да замисли дека ќе биде дел од легендарната група „Бијело дугме“.
„Дојдов од малото гратче Бихаќ, од кое излегоа многу добри музичари. Меѓу другите, од таму се и членовите на ‘Дивље јагоде’, но таму бев бас-гитарист. Тоа значи дека денес свирам, утре ме менуваат, а никој не забележува. Нештата се променија кога ја напишав песната ‘Мотори’. Докажав дека можам да ги достигнам Манчестер Јунајтед (‘Бијело дугме’)“, раскажа пејачот.
