Познатиот италијански актер Микел Мороне предизвика вистинска еуфорија со своето појавување во Белград. Доволна беше само една објава од српската престолнина за да ги крене Белграѓанките на нозе, а медиумите внимателно го следеа секој негов чекор за време на престојот.
На снимките и фотографиите од ноќните излегувања јасно се гледа како девојките од соседните маси постојано го набљудуваат, додека по социјалните мрежи многумина се обидуваа да откријат во кој луксузен хотел престојува фаталниот Италијанец.
View this post on Instagram
Но, додека жените буквално го „ловат“ низ Белград, вниманието на Мороне очигледно е насочено кон младата пејачка Анѓела Игњатовиќ – Бресквица. Имено, актерот ја следи Бресквица на социјалните мрежи и, според она што може да се види, редовно ѝ ги лајкува речиси сите објави.
Засега не е познато дали Мороне се обидел да ја контактира и преку приватни пораки. Младата музичка ѕвезда не одговорила на повиците на медиумите, па оваа информација не можела да биде директно потврдена.
Како и да е, јасно е дека за време на престојот во Белград фаталниот Италијанец „фрлил око“ на Бресквица, која важи за една од најубавите и најпопуларни девојки на регионалната сцена, и тоа и покрај фактот што таа е емотивно зафатена.
За потсетување, Микел Мороне стекна светска слава по улогата во филмот „365 дена“, каде што го играше харизматичниот криминалец кој го освои женскиот дел од публиката ширум светот.
