Водителот Огњен Амиџиќ по третпат стана татко. Неговата сопруга Мина Наумовиќ се породи на 24 јануари и на свет донесе здраво девојче.
Гордите родители решија ќерката да го носи името Лола.
Породувањето поминало без компликации, а лекарите ѝ дале највисока оценка на бебето. И мајката и новороденчето се чувствуваат одлично.
Името Лола има шпанско потекло и е скратено од името Долорес. Во религиозен контекст се поврзува со Богородица, а денес е многу популарно во повеќе земји низ светот, меѓу кои Шпанија, Франција, САД и Русија. Често се поврзува со карактеристики како шарм, самодоверба, независност и силна животна енергија.
Во индиската митологија, името Лола се доведува во врска со божицата Лакшми, симбол на благосостојба, љубов и среќа.
Со Мина, Огњен Амиџиќ го има и синот Перун, додека од претходниот брак со манекенката Данијела Димитровска го има синот Матија.
Амиџиќ, кој и претходно јавно истакнуваше дека посакува ќерка, по раѓањето не го криеше своето воодушевување.
„Пресреќен сум. Сѐ помина во најдобар ред. Мина и бебето се супер. Со нетрпение чекам сите заедно да бидеме дома“, изјави тој кратко по породувањето.
