Татко на тинејџерка на социјалната мрежа „Редит“ пред нешто повеќе од една година откри зошто ја натерал својата 16-годишна ќерка да си ја избричи главата. Неодамна, неговата објава повторно се актуелизираше.
Имено, тој објасни дека неговата поранешна сопруга била многу вознемирена поради постапката, но тој тврди дека имал добра причина за таква казна.
„Мојата поранешна сопруга и јас имаме ќерка. Имам старателство над неа бидејќи мојата сопруга има ново семејство. Го спомнувам тоа затоа што не се консултирав со сопругата пред мојата постапка, а сега таа ме осудува“, ја започна објавата.
AITA for shaving my daughter’s hair for bullying a girl with cancer? from AmItheAsshole
„Мојата ќерка неодамна се потсмеваше со една соученичка која ја загуби косата поради лекување од рак. Таа дури ѝ ја симнала и периката. Наводно, тука станува збор за некоја претходна расправија меѓу нив двете, што не е изговор за однесувањето на ќерка ми. Не ја воспитував ќерка ми да се однесува кон луѓето онака како што се однесувала и бев згрозен од нејзиниот став“, продолжи тој.
„За да бидат работите уште полоши, мојата ќерка не се покаја за тоа што го направи и изјави дека девојката го заслужила тоа… Па така, ѝ дадов на мојата ќерка две опции за казна: одземање на целата електроника, вклучително и нејзиниот мобилен, што веќе никогаш нема да ѝ го купам или да отиде на фризер и да си ја избричи главата“, вели таткото.
Тинејџерката ја избрала втората казна, а нејзиниот татко се прашува дали бил во право. Повеќето корисници на „Редит“ не се согласија со неговата одлука.
„Тоа не е добро родителство, тоа е сигурно“, „Твојата ќерка е насилник затоа што и ти си насилник“, „Згрешила, но не можеше ли да смислиш друг начин да ја воспиташ, отколку телесно казнување“, беа само дел од коментарите под неговата објава.
Што мислите вие?
