Ова што го гледате, е страшна последица од глобалното затоплување, кое остави застрашувачки последици во Сибир, каде што се топи вечниот мраз. И ова животно, исто така, излезе од мразот. Сензационалниот случај, пренесен од Си-Ен-Ен, се однесува на младенче од лав, пронајдено во далечна област на Арктикот, а починало пред 28 илјади години.
Примерокот е совршено сочуван. Веројатно лавчето починало во сон, или кога требало да се разбуди, барем вака сугерира неговата позиција.
Тестовите покажаа дека крзното е малку оштетено од калта, но органите, мумифицирани, се совршено сочувани, како и забите и кожата. Сибирскиот лав го доби името Спарта.
Лав Дален, професор по еволутивна генетика во Стокхолм, објаснува:
„Спарта e можеби најдобро сочуваниот примерок од некое животно од леденото доба што било пронајдено. Таа е женско, па дури и мустаќите ѝ се совршено сочувани. Борис не беше толку добро сочуван“, забележа тој.
