Чевлар од Романија кој веќе дизајнираше и рачно изработи огромни чевли за да ги заштити луѓето на почетокот од пандемијата на коронавирусот, сега излегува со нова колекција, но со истата мисија.
Григоре Луп, чевлар кој поседува продавница во романското место Клуж, уште во мај изработи чевли со европска големина, односно со број 75.
Тој изјави дека таквата идеја му помогнала да ја одржи својата работилница во Трансилванија.
Луп раскажа дека дошол до таа идеја кога забележал дека луѓето стојат премногу блиску еден до друг и ги игнорираат мерките за физичка дистанца од 2 метри.
Покрај тоа што добива вообичаени нарачки, Луп го контактирале и уметници, вклучувајќи и една белгиска танцувачка група, но и еден американски рок бенд.
romanian cobbler, grigore lup created size 75 leather shoes as a way for wearers to practice social distancing after noticing ppl weren’t following guidelines. the shoes take 2 days to make and cost £90/$115. if 2 people wore the shoes, facing each other, they’d be 1.5M apart. pic.twitter.com/bAboQLqq03
— ???????? (@balenciogre) June 24, 2020
Чевларот инаку изработува чевли по нарачка за луѓе кои носат броеви надвор од стандардните, но овој пат клиентите му се јавуваат и со барања за чевли кои ќе им обезбедат социјална дистанца.
Григоре изработил нов пар чевли, исто така со број 75, за новиот бран на пандемијата, а цената на еден пар изнесува 150 евра.
„Чевлите се поставени со крзно и имаат дебел ѓон, а за нивната изработка е потребно 3 пати повеќе кожа отколку за обичен пар чевли“, вели Луп кој со овој занает се занимава веќе 4-та деценија.
Луп претходно изработувал обувки за театри, опери, фолклорни групи, но бидејќи обемот на работа бил намален поради пандемијата на Ковид-19, тој морал да пронајде нов извор на приходи.
