Сиромашната студентка која поради својата финансиска ситуација не можела да си приушти адекватна прехрана, починала во понеделникот во југозападна Кина.
Ву Хуајан (24) починала во болницата на Медицинскиот универзитет Гуејџоу во градот Тонгрен, потврдил за CNN портпаролот на болницата, но одбил да ги наведе причините за нејзината смрт.
Тежела само 21 килограм
Кога била примена во болницата, студентката била висока 135 сантиметри и тешка само 21,6 килограми. Починати и биле двата родители, а таа живеела со помладиот брат преживувајќи од социјалната помош која изнесувала 300 јуани (околу 39 евра) месечно.
Лекарите откриле оштетување на срцето
Лекарите тогаш соопштиле дека има озбилно оштетување на срцето и дека операцијата чини повеќе од 200,000 јуани (околу 25,000 евра). Нејзината приказна стигнала до јавноста и добротворните организации со седиште во Пекинг започнале кампања за собирање сретства потребни за операцијата.
И покрај донациите, нејзиното здравје станало полошо со почетокот на новата година, а во понеделникот починала.
Смртта на студентката предизвикала бес на кинеските друштвени мрежи каде многумина го поставија прашањето зошто не се направило повеќе за спасот на оваа девојка.
„Тешко е да се змисли дека некој луѓе во нашата земја се уште немаат пристап кон правилна исхрана, иако веќе е 2020 година“, напишал еден корисник на Veib, кинеската верзија на Twitter.
