Мари Франц Рој сама направила куќичка според своите потреби. Користела природни и рециклирани материјали со цел себе си да си обезбеди дом.
Мари Франц Рој е млада жена која професионално се занимава со сноубординг. Таа одлучила за себе и својот партнер да направи куќичка. Користела само природни материјали, како што се слама, песок и глина, но и рециклирани прозори, рециклирано дрво, скршено стакло и сето она што можела да го најде на депонија.
Со овој потфат значително ги намалила трошоците за изградба на куќа, но притоа покажала како одлично можат да се искористат фрлените работи.
Мари се труди нејзината мала куќичка да користи енергија и така да го намали загадувањето и засега и успева.
Бидејќи сама ја правела куќата, можела да направи и многу поголем животен простор, но оваа необична жена вели дека за удобност се сосема доволни 40 квадрати, колку што има нејзиниот дом.
Покрај кујната и дневната соба, кои воедно се и влез во куќата, оваа необична станбена единица има и бања и спална соба.
Една печка го грее целиот простор, соларните плочи обезбедуваат топла вода, а многубројните прозори пуштаат толку светлост во оваа куќа, па ќе ви се чини дека живеете надвор.
Мари вели дека е среќна, дека имала многу среќа бидејќи при изградбата и помогнале нејзиниот брат, татко и многубројни пријатели.
За среќа е потребно малку! Мари го сфатила тоа!
