Сопругата на Рожер Федерер, Мирка, од трибините го следеше трилерот против Милман, а на фотографите не им побегна „украсот“ на нејзината лева рака.
Во моментите кога се одлучуваше победникот, камерите освена на теренот често беа насочени и кон Мирка која на левата рака носеше еден милион евра. Станува збор за нејзиниот часовник и дијамантскиот прстен.
Таа прстенот го носеше и во епското финале на Вимблдон кога за прв пат го привлече вниманието на јавноста, а еден швајцарски златар за медиуми процени дека вреди најмалку половина милион евра, а можеби и двојно повеќе.
– Прстенот е ексклузивен. Проценката е дека таков дијамант вреди преку половина милион франци. Не би бил изненаден да вреди и еден милион. Во секој случај станува збор за многу ретко парче дијамант – изјави Лазар Себлар, сопственик на златара во Цирих.
Мирка на раката имаше часовник од екслукивната марка „Ролекс“ кој исто е лимитирана верзија и може да се купи по цена од 160.000 до 200.000 швајцарски франци.
Станува збор за „Rolex Daytona Rainbow – 116599RBOW (бело злато)” кој се состои од скапоцени камења кои се прелеваат.
