Пејачката Лилјана Петровиќ почина на 81 година во Нови Сад, пренесуваат денеска повеќе српски медиуми.
Лилјана беше првата претставничка на поранешна Југославија на изборот за песна на Евровизија во 1961 година во Кан, каде ја изведе песната „Неке давне ѕвезде“, чиј композитор беше Мирослав Антиќ.
Пејачката учествуваше на бројни фестивали и беше во самиот врв на тогашната музичка сцена, но веќе кон крајот на седумдесеттите години се повлече од јавниот живот.
Подоцна, Лилјана се посвети на пишувањето на поезија, а потоа компонираше и стихови.
Лилјана Петровиќ ќе биде запаметена и по песната на Јован Адамов, „Нека то не буде у пролече“, која ја отпеа на фестивал во Опатија во 1966 година.
