Децата од добростоечки семејства имаат голема предност во однос на своите врсници. Еден корисник на „Reddit“ одлучи да дознае повеќе за начинот на кој богатите родители ги воспитуваат своите синови и ќерки.
За да открие што го интересира, тој ги праша луѓето што растат во богати семејства, што некогаш мислеле дека е нормално додека не сфатиле дека тоа е всушност привилегија. Еве ги одговорите:
„Кога ќе скршев нешто, само ќе се пошегував дека сум несмасен и веднаш ќе го заменев тоа. Имав толку многу мобилни телефони, компјутери и камери што не можам ни да ги избројам. Дури кога станав возрасен, сфатив дека луѓето не ги фрлаат скршените или користени работи, туку всушност ги поправаат“;
„Мислев дека учеството во повеќе воннаставни активности е нормална работа. Сега кога ќе помислам колку моите родители потрошиле на моите часови по пливање, пијано, лизгање, балет, фудбал… леле“;
„Имавме куќна помошничка. Не знаев дека повеќето други семејства немаат“;
„Базен. Сите отсекогаш сакале да дојдат кај нас да го користат. Зарем немаат сите базен? Ох…“;
„Отсекогаш мислев дека моето семејство е сиромашно, бидејќи сите други во моето училиште имаа две куќи (нивната примарна резиденција плус куќа на плажа или куќа за скијање), а ние имавме само една“;
People who grew up rich, what’s something you thought was normal? from AskReddit
„Можноста да одиш на колеџ/училиште без да размислуваш за трошоците“;
„Мислев дека секој може да оди на годишен одмор секоја година“;
„Не знаев дека не е нормално секогаш да одам со лимузина на аеродром како што правеше моето семејство“;
„Во фрижидер секогаш имавме повеќе видови сирење. Бев шокиран кога сфатив колку е скапо сирењето кога се иселив од дома“;
„Никогаш не сум носела облека повеќе од двапати. Би ја дала во добротворни цели и само купував повеќе. Чевли исто така, имав повеќе чевли отколку што ми требаа“;
„Да очекувате автомобил како подарок за вашиот 16-ти роденден (и да го добиете)“;
„Мислев дека постои само прва класа во авион“;
„Имавме два фрижидери! Мислев дека тоа е нешто што секој го има дома“.
