– Денес времето во Македонија ќе биде сончево и натпросечно топло со мала локална облачност. Ќе дува слаб ветер од променлив правец. Максималните температури ќе се искачуваат во интервалот од 11 до 19 степени – вели нашиот метео прогнозер Славчо Попоски.
Во Скопје и околината времето ќе биде сончево и натпросечно топло со мала до умерена локална облачност. Ќе дува слаб ветер од северен правец. Максималната температура ќе се искачи до околу 13 степени.
Според Попоски, во следните денови времето ќе се задржи сончево и натпросечно топло со умерена локална, повремено и позначителна облачност. Ќе дува слаб до умерен ветер, во западните предели од југозападен, додека во останатите од југоисточен правец. Температурите ќе се искачуваат во интервалот од 10 до 18 степени.
Мал пад на температурите ќе има за Божиќ кога ќе има услови за слаби локални врнежи од дожд.
