Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта. Денес Мартина ни направи вегански колачиња од само три состојки.
Денес Мартина ни направи вегански колачиња од само 3 состојки. „Толку се меки и се топат во уста, а заситуваат и нема да посегнете по повеќе од едно до две колачиња“, вели Мартина.
Здрава опција на колачиња, без јајца, брашно, обичен путер или маргарин. Засладувач може да си ставите по желба и вкус, мед, стевиа или некој сируп.
Потребни состојки:
- 100 гр путер од кикирики
- 100-150 гр мелени јатки (ореви)
- 50 гр шеќер во прав
View this post on Instagram
Подготовка:
Измешајте ги путерот, шеќерот и мелените јатки (јас ставив ореви, може и лешници или бадеми). Оформете бомбици па натапкајте ги на хартија за печење за полесна работа и чистење после тоа. Со вилушка направете им шара, па печете ги колачињата во загреана рерна на 200 С околу 10-15 мин или зависно од рерната проверете ги на неколку минутки. Колачињата ќе се доста меки, но оставете ги целосно да се изладат.
