Породувањето е еден од најпредизвикувачките моменти во животот на жената. Страв, екстремна болка и возбуда – сосема е логично дека таквиот наплив на емоции нè прави малку диви.
Токму ова е бизарна приказна за мајка која анонимно одлучи да ја сподели на родителскиот форум Мамснет. Жената вели дека била во толку голем делириум кога го раѓала својот син што ја гризнала раката на сопствената сестра.
Медицинската сестра ѝ подала рака во знак на поддршка, а родилката била надвор од себе, што мислела дека некој ѝ дава колбас. Таа загризала без размислување.
“Добив еден куп лекови и немав појма каде сум, а не ми дозволија да јадам бидејќи се сомневаа дека можеби ќе треба да ме породат со царски рез. Гладував и слушнав дека некој споменува колбаси. мислев дека ми даваат и јас да јадам. Се разбира, се покажа дека никој дури не го ни изговорил зборот колбас “, напишала таа.
Таа прашала дали е тоа најлудата приказна од породилната сала и предизвика многу мајки да ги прераскажат своите смешни искуства.
“Се опоравував од анестезија и почувствував дека некој нежно ми го тапка образот. Мислев дека тоа е мојот сопруг, па му ја зграбив раката и почнав да ја бакнувам. Тоа беше анестезиологот”.
“Мојата пријателка е една од најмирните луѓе што ги познавам, а се обиде да ја гризне бабицата додека се пораѓаше”.
„Јас сум бабица. Една жена еднаш ме удри толку силно во главата за време на породувањето што очилата ми излетаа од главата”.
Имате и вие некоја приказна на темава?
