На наше задоволство и чест, страничките на еспресо.мк ги разубавува и популарниот шеф Бранко Попоски, познат под псевдонимот „Готвиме со Бранко“ („Cooking with Branko“).
Кујната на „Cooking with Branko“ сподели НОВ вкус од #cheesecakes на #CookingWithBranko – кокос и калинка. Направен со многу љубов, да заслади на здрав начин и да расположи многу ликови.
Време кога калинката ја има на сите пазари, искористете ја за подготовка на здрава и вкусна торта за целото семејство.
(ФОТО+РЕЦЕПТ) ШЕФ БРАНКО ПОПОСКИ: Здрав и вегански чизкејк од тиква по кој полуде целиот Инстаграм
Потребни состојки
За долниот дел
100гр. кокосово масло
100гр. ореви
100гр. индиски ореви
50гр. урми
50-80гр. брусница
Цимет
1 лажичка путер од лешник
2 лажички масло од лешник
За кремот
300гр. веганско маскарпоне
1 конзерва млеко од кокос
2 лажички екстракт од урма (засладувач)
1 лажичка екстракт од ванила
Една калинка
За декорација
Калинка
Начин на подготовка
Во блендер додадете ги состојките за подготовка на долниот дел од тортата. Убаво изблендирајте. Формирајте смеса која ќе ја притиснете со рацете за киш тавчето за да се формира убава кора. Оставете ја смесата во фрижидер околу 10 минути до 15 минути.
Во длабок сад додадете го маскарпонето, млекото од кокос, екстрактот од урма и почнете да матите со миксерот. Постепено додадете ги и останатите состојки. Ќе добиете хомогена смеса која пред да ја ставите врз кората, гледајте да биде стегната односно зацврстена. Калинката додадете ја на крај и промешајте со лажица да се измеша убаво со кокосовото млеко и маскарпонето.
Врз кремот додадете малини калинка.
Препуштете се на максимално задоволство и уживање со секое парче од оваа вкусна и здрава торта.
(ФОТО+РЕЦЕПТ) ШЕФ БРАНКО ПОПОСКИ: Засладете си ја душата со чизкејк со слатко од зелени смокви
