Следбениците на поранешниот американски претседател Доналд Трамп на Твитер се зголемија на 25 милиони, само седум часа откако неговата сметка беше повторно отворена.
Сè уште нема напишано ништо на обновената страница.
Потврдената сметка на @realDonaldTrump беше замрзната на 8 јануари 2021 година, два дена откако приврзаниците на Доналд Трамп упаднаа во Капитол во обид да го спречат одобрувањето на Конгресот на САД за победата на демократот Џо Бајден за претседателските избори. Во тоа време тој имаше околу 90 милиони следбеници.
Твитер го деблокираше профилот на Трамп откако оваа одлука ја донесоа учесниците во анкетата спроведена од сопственикот на социјалната мрежа Илон Маск.
Профилот на поранешниот американски претседател на Твитер, откако беше отклучена, за 40 минути собра 1,3 милиони нови следбеници. Сепак, самиот Трамп изјави дека нема да се враќа на Твитер, туку ќе продолжи да објавува објави на својата социјална мрежа Truth Social.
