Руската Дума денеска го одобри третото читање на законот за забрана на пропаганда на нетрадиционални сексуални односи, педофилија и информации кои можат да наведат некого да побара операција за промена на полот.
Законот забранува ЛГБТ пропаганда во медиумите, на Интернет, како и во реклами, книги и филмови, пренесе ТАСС.
Споделувањето на материјал поврзан со ЛГБТИ правата, хомосексуалноста и родовиот идентитет ќе биде казниво со парични санкции од 400.000 рубљи до 5 милиони рубљи или 80.000 евра за правни лица. Странските државјани кои нема да го почитуваат овој закон ќе бидат протерани од државата.
Предлог-законот пред да се усвои треба да помине и на читање и кај горниот дом на парламентот – советот, а потоа да го потпише претседателот Владимир Путин.
„Овој закон ќе ги заштити нашите деца и иднината на земјава против црнилото што го шири САД и европските земји. Ние имаме наши традиции и вредности“, изјавил претседателот на Државната Дума, Володин Вјачеслав.
